थाहानगरमा ७ भदौमा बृहत् रक्तदान कार्यक्रम हुने

"रक्तदान जीवनदान" भन्ने मूल नाराका साथ मकवानपुरको थाहानगरमा आगामी भदाै ७ गते बृहत् रक्तदान कार्यक्रम आयोजना हुने भएको छ।

​पालुङ बहुउद्देश्यीय सहकारी संस्थाको सभा हलमा सञ्चालन हुने उक्त कार्यक्रम लायन्स क्लब अफ थाहा पिस, लियो क्लब अफ पिस थाहानगर, पालुङ जेसीज र मोबाइल एसोसिएसन अफ मकवानपुर उत्तरी क्षेत्रको संयुक्त आयोजनामा हुन लागेको हो।

​आयोजकका अनुसार कार्यक्रम बिहान ११:०० बजेदेखि दिउँसो २:०० बजेसम्म चल्नेछ। उक्त कार्यक्रममा थाहा नगरपालिका वडा नं. ४ को सहयोग, नेपाल स्वयंसेवी रक्तदाता समाजको समन्वय तथा केन्द्रीय रक्तसञ्चार सेवा (भृकुटीमण्डप) को सहकार्य रहनेछ। ​

तपाईंको एक थोपा रगतले कसैको अमूल्य जीवन बचाउन सक्ने भएकाले मानव सेवाको यस पुण्य कार्यमा सहभागी भई रक्तदान गर्न तथा कार्यक्रमलाई सफल पार्न सम्पूर्ण महानुभावहरूमा आयोजकले हार्दिक अनुरोध गरेको छ।