थाहा नगरपालिकामा कोरोना भाइरस (कोभिड–१९) को संक्रमण रोकथामको लागि नगरपालिकाले गर्दै आएको माइकिङको जिम्मा वडा कार्यालयहरुलाई दिइएको छ ।
कोरोना भाइरस रोकथाम तथा नियन्त्रण समन्वय समितिको सचिवालयले सुरक्षाकर्मीहरुसंगको समन्वयमा वडापालिकाहरुबाटै सचेतनामुलक माइकिङ गर्दा प्रभावकारी हुने भएकोले यस्तो निर्ण गरेको हो । यस अघि दैनिक रपमा थाहा नगरपालिकाले सबै वडाका लागि सुरक्षाकर्मीसंगको समन्वयमा माइकिङ गर्दै आएको थियो । माइकिङका लागि वडाहरुमा सचेतनामुलक सन्देश अडियो तथा सामाग्रीहरु पठाइसकेको सचिवालयका संयोजक विवेक विडारीले जानकारी दिए ।
सचिवालयले गरेको निर्णयका आधारमा वडा जनप्रतिनीधि यस सचेतनामुलक कार्यमा खटिने थाहा नगरपालिकाका प्रमुख लवशेर विष्टले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
