मकवानपुर थाहा नगरपालिका वडा नं. ३ नेपाल विद्युत प्राधिकरण नजिकै मोटरसाइकल र अटो ठोक्किएर भएको दुर्घटनामा दुईजना घाइते भएकाछन् । १२ माघ साँझ भएको दुर्घटनामा ना १ ह ५७१७ नम्बरको अटो र ना ६१ प ४३०० नम्बरको माटरसाइकल एक आपसमा ठोक्किएको थियो ।
दुर्घटनामा परी मोटरसाइकल चालक हेटौंडा २ का काशीराम दाहल र अटोमा सवार थाहा २ का विकेश कार्की समान्य घाइते भएका छन् । घाइतेहरुको पालुङ प्राथमिक स्वास्थ्य केन्द्रमा उपचार भइरहेको छ । उनीहरुको अवस्था सामन्य भएको स्वासथ्य केन्द्रले जनाएको छ ।
दुर्घटनामा अटो पल्टिएको इलाका प्रहरी कार्यालय पालुङले जानकारी दिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
