मकवानपुर थाहा नगरपालिकामा रहेको दुई वटा एनसीएल मोबाइलको टावरमा नचिनेका समूहले आगजनी गरेका छन् । गएराती ति दुई टावरमा आजगनी गरेको स्थानीय बासिन्दाले बताएका छन् ।
थाहा नगरपालिका वडा नं. ३ गुफाडाँडा तथा थाहा–७ चिसापानी स्थित कैलाश डाँडामा रहेको टावरमा आगजनी भएको हो । अगजनीबाट मोबाइल टावरमा क्षति भएको छ । राती अबेर टावर छेवैमा रहेको कन्ट्रोल रुममा आगो बलेको देखेपछि स्थानीयहरु समेत त्रसित भएका थिए । टावरमा बोराको मुक्का बनाएर आगो लगाइएको घटनास्थल निरीक्षणबाट थाहा भएको इलाका प्रहरी कार्यालय पालुङले जनाएको छ ।
चिसपानी स्थित कैलाश डाँडाको टावरमा भएका क्षतिका कारण मोबाइल नेटवर्कमा समेत समस्या भएपछि प्राविधिक टोली पठाइएको एनसीएल कम्पनीले जनाएको छ ।
घटनाको अनुसन्धान भइरहेको प्रहरीले जनाएको छ । विप्लव नेतृत्वको बन्द १५ साउनको लगतै भएको यो घटनाको जिम्मा कसैले पनि लिएको छैन ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
