मकवानपुरको प्रतिनिधसभा क्षेत्र नंबर १ को प्रदेशसभा क्षेत्र नंबर ख का सांसद डोरमणी पौडेल प्रदेश नंबर ३ को पहिलो सभामुख बन्ने निश्चित भएको छ । ५ माघमा हेटौँडामा प्रदेश नंबर ३ को प्रदेश प्रमुख अनुराधा कोइरालाले पदभार ग्रहण गरेसँगै भोली हुने प्रदेश सांसदहरुको सपथग्रहण समारोहपछि हुने पहिलो प्रदेशसभा बैठकको सभामुख पौडेल हुने निश्चित भएको हो ।
सांसद पौडेलले सरकार तथा सभामुखको निर्वाचन हुनुपुर्वको सबै प्रदेश बैठकहरुमा सभामुखको भुमिका निर्वाह गर्ने भएका छन् । सभामुख तथा मुख्यमन्त्रीको चयन पहिला हुने सबै सांसद बैठकहरुमा पौडेलले सभामुखको भुमिका निर्वाह मात्र गर्दैनन् भोली हुने प्रदेश सभाको सपथ समेत उनले खुवाउने छन् ।
माघ ७ गते विहान १० बजे प्रदेश प्रमुख अनुराधा कोइरालाले पौडेललाई सपथ ग्रहण गराउने कार्यक्रम रहेको छ । त्यसपछि प्रदेश नंबर ३ का सबै सांसदहरुलाई १० बजेर ५७ मिनेटमा पौडेलले सपथग्रहण गराउने कार्यक्रम रहेको र प्रदेश प्रमुखले बोलाउने पहिलो सांसद बैठकको सभामुख पौडेल हुनेछन् ।
त्यसो त पौडेललाई सभामुख बन्नको लागि वाम गठवन्धनबाट अवसर समेत प्राप्त भएको श्रोतको भनाई रहेको छ ।
-खबरब्रेकबाट
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
