मकवानपुरको मकवानपुरगढी गाउँपालिका– ३ का वडा अध्यक्ष भागवत घिमिरेले गाउँपालिकादे उपलब्ध गराएको मोटरसाईकल सुविधा फिर्ता गरेका छन् । गाउँपालिकाले डेढ वर्ष अघि उपलब्ध गराएको सुविधाको मोटरसाइकल उनले फिर्ता गरेका हुन् ।
आईतबार गाउँपालिकाको जिन्सी शाखा प्रमुख युवराज पौडेललाई मोटरसाईकल फिर्ता गरेको वडा अध्यक्ष घिमिरेले जानकारी दिए । सुविधाको खर्च विकासको काममा लगाउने बताउँदै उनले अब निजी सवारीसाधनको प्रयोग गरेर जनताको काममा लाग्ने बताए । तर वडा अध्यक्ष घिमिरेले डेढ वर्ष प्रयोग गरेपछि सुविधाको मोटरसाइकल फिर्ता गरेका हुन् ।
यद्यपि, बागमती प्रदेश सरकारले जारी गरेको जनप्रतिनीधिको सेवा सुविधा सम्बन्धी व्यवस्थामा सवारी साधन प्रयोग नगर्ने जनप्रतिनीधिले ४ हजार पाँच सय रुपियाँ बढि सुविधा पाउने व्यवस्था छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
