चितवनमा ट्रकको ठक्करबाट मोटरसाइकल चालकको मृत्यु भएको छ । मृत्यु हुनेमा महोत्तरीको मनरा सिसुवा नगरपालिका-९ बस्ने ३२ वर्षीय आनन्द झा रहेका छन् ।
पूर्वीचितवनको राप्ती नगरपालिका-१ पिप्लेस्थित पूर्वपश्चिम राजमार्गमा पूर्वबाट पश्चिमतर्फ आइरहेको प्रदेश न.०२-०२-००१ प ५१०४ नम्बरको मोटरसाइकलाई सोही दिशाबाट आइरहेको ना ६ ख ६२८६ नम्बरको ट्रकले बिहीबार दिउँसो ठक्कर दिँदा उनी घाइते भएका थिए । उनको उपचारको क्रममा भरतपुर अस्पतलामा मृत्यु भएको चितवन प्रहरीले जनाएको छ ।
मोटरसाइलको पछाडि बस्ने धनुषा जनकनन्दनी गाउँपालिका-४ बस्ने २२ वर्षीया स्वेता झा घाइते भएकी छिन् । उनको पुरानो मेडिकल कलेजमा उपचार भइरहेको प्रहरीले जनाएको छ । ठक्कर दिने ट्रक र चालक नियन्त्रणमा लिइएको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
