काठमाण्डौंबाट मकवानपुर थाहा नगरपालिकामा भित्रने छोटो सडक मार्ग गणेशमान सिंह मार्ग (चित्लाङ–चन्द्रागिरी सडक) को चन्द्रागिरी नाका स्थानीयहरुले बन्द गराएका छन् । २३ चैत विहान चित्लाङमा भएको स्थानीयहरुको भेलाले यस्तो निर्णय गरेको थाहा–९ का वडा अध्यक्ष परशुराम श्रेष्ठले जानकारी दिए ।
कोरोना भाइरस (कोभिड–१९) रोकथाम तथा नियन्त्रणको लागि सरकारले गरेको लकडाउनको उलंघन गर्दै राती–राती उक्त सडक हुँदै सवारी साधन चल्न थालेपछि जोखिम कम गर्न सडक बन्द गरिएको अध्यक्ष श्रेष्ठले जानकारी दिए ।
यो नाका हुँदै थाहानगर, तराई र हेटौंडा जानको लागि दैनिक हिँडेरै पनि सयौ मानिसहरु काठमाण्डौंबाट आउने गरेका छन् । नाकामा थाहा नगरपालिकाले स्वास्थ्य परीक्षणको लागि हेल्थडेस्क राखेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
