मंसिर २१ गते सम्पन्न भएको प्रतिनिधिसभा निर्वाचनमा राप्रपाका केन्द्रीय अध्यक्ष कमल थापा पराजित हुनु परेको भन्दै राप्रपा जिल्ला अध्यक्ष गणेश थापाले राजिनामा दिएका छन् ।
राप्रपा मकवानपुरका अध्यक्ष थापाले पदबाट राजिनामा दिएका हुन् । थापाले १४ पौषमा फेसबुक मार्फत आफ्नो आधिकारिक धारणा ब्यक्त गर्दै उनले राजिनामा दिए । कमल थापालाई मकवानपुरबाट विजय गराउनन नसकेको सम्पूर्ण जिम्मेवारी आफैले लिँदै उनले राजिनामा दिएका हुन् ।
उनले भने ‘राप्रपा अध्यक्ष कमल थापालाई निर्वाचन जिताउन नसकेको नैतिक सम्पुर्ण जिम्मेवारी म लिन तयार छु ।’ उनेले भनेका छन्–‘नैतिक रुपमा पार्टी अध्यक्षबाट मैले राजिनामा दिए पनि पार्टी कार्यकर्ताको संरक्षणको निमित्त म सदैव तयार छु ।’
निर्वाचनमा प्रत्यक्ष वा अप्रत्यक्ष रुपमा सहयोग गर्नुहुने सम्पुर्ण मतदाता प्रति थापाले आभार व्यक्त गरेका छन् । उनले पुर्व सहमती अनुसार दिएको राजीनामा आएकोप्रति कोहि कसै कार्यकर्तालाई बिचलित नहुन आग्रह गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
