इन्द्रसरोवरमा भिरबाट खसेर एकजनाको मृत्यु भएको छ । मकवानपुर जिल्लाको इन्द्रसरोवर गाउँपालिका वडा नं. २ कुलेखानी लिपानीका ३६ वर्षिय किताब सिं घिसिङको भीरबाट लडेर मृत्यु भएको हो । असार ३१ गते बुधबार कुलेखानीबाट घरतर्फ जानेक्रममा भिरको गोरेटोबाट खसेर उनको मृत्यु भएको जिल्ला प्रहरी कार्यालय मकवानपुरका प्रहरी प्रवक्ता एवम् डि.एस.पी इन्द्र बहादुर राणा मगरले जानकारी दिनुभयो । भिरको गोरेटोबाट अन्दाजी १० मिटर तल उनको शव फेला परेको थियो । घिसिङको शव पोष्टमार्टमका लागि हेटौडा अस्पतालमा पठाइएको छ । घटनाका बारेमा थप अनुसन्धान भइरहेको प्रहरी प्रवक्ता रानाले जानकारी दिनुभयो ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
