इन्द्रसरोबर गाउँपालिकाका बाढीपहिरो पीडितलाई नेपाली कांग्रेस मकवानपुरले बिहिवार खाद्यान्न तथा लत्ताकपडा सहयोग गरेको छ ।
असार मसान्तमा परेको अविरल वर्षातका कारण बाढीपहिरोको पिडामा परेको १ सय ६१ पीडित घरपरिवारलाई नेपाली कांग्रेस मकवानपुरको संयोजनमा राहत स्वरूप खाद्यान्न तथा लत्ता कपडा वितरण गरेको हो ।
नेपाली कांग्रेसको इन्द्रसरोबर गाउँपालिका संयोजक जमान सिं वाईबाको सभाध्यक्षता तथा केन्द्रीय सदस्य महालक्ष्मी उपाध्याय डिनाको प्रमुख आतिथ्यतामा राहत वितरण भएको थियो ।
गाउँपालिकाको ५ वटै वडाका पूर्ण क्षति र आंशिक क्षति भएका १ सय ६१ घरपरिवारका पीडितहरुलाई एकबोरा चामल, त्रिपाल, दाल, नुन, तेल , सिरक डसना, लत्ताकपडा, भाडाकुडा लगायतका सामाग्रीहरु प्रदान गरिएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
