मकवानपुर थाहा नगरपालिकामा रहेको पालुङ बहुउद्देश्यीय सहकारी संस्था लि.ले अग्नीपीडित भएकी आफ्नो सदस्य उर्मिला विष्टलाई सहयोग गरेको छ ।
सहकारी संस्थाले ५ चैत बेलुकी घर आगलागी भएर पीडित भएकी विष्टलाई २५ हजार रुपियाँ सहयोग गरेको हो । संस्थाको सदस्य हितकोषबाट प्रथम चरणमा सहयोग गरेको संस्थाले जनाएको छ ।
संस्थाका अध्यक्ष पुरुषोत्तम कार्की, उपाध्यक्ष कृष्ण बहादुर विष्ट र सचिव अरुण रायमाझी सहितको पदाअधिकारी टोलीले नगद सहयोग गरेको हो । उर्मिलाको घर जलेर पूरै नष्ट भएको छ भने घरबाट अन्नपात तथा लत्ताकपडा केही झिक्न नभ्याएको स्थानीयहरुले बताएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
