नेपाल स्काउट बागमती प्रदेशले मकवानपुरमा रहेको २ वटा विधालयमा नयाँ स्काउट इकाई संचालन गर्न प्रोत्साहन स्वरुप स्काउट पोशाक वितरण गरेेकाे छ ।
मकवानपुरगढी गाउँपालिका वडा नं ५ धादिङमा रहेको शारदा माविका ३२ जना र हेटौंडा उपमहानगर पालिकाको वडा नं नकौलीस्थित आधारभूत विधालयका ३२ जना गरी ६४ जना छात्र र छात्रालाई भिन्नभिन्नै कार्यक्रममा पोशाक वितरण गरेको हो ।
सानै उमेरबाट नै सामाजिक भावनाको विकाश गरी अनुशासित, नैतिकवान र जिम्मेवार नागरिक बनाउन विभिन्न जीवनाेपयोगी सिप सिकाउदै विपदमा सहायता प्रदान गर्न सक्ने स्वंयसेवक निर्माण गर्न स्काउट पोशाक वितरण गरेको बागमती प्रदेश सदस्य अशोक सारु मगरले बताए ।
शारदा माविका प्रधानाध्यापक इन्द्रबहादुर कार्कीकाे सभाध्यक्ष्यतामा भएको कार्यक्रममा प्रमुख अतिथि बागमती प्रदेश सदस्य अशोक सारु मगर , मकवानपुर गढी गापा ५ नं वडा अध्यक्ष, विधालय व्यवस्थापन समिति सदस्य नवराज न्यौपाने, नेपाल स्काउट बागमती प्रदेश सदस्य महेन्द्र राना, स्काउटर अनिल आचार्य , निशा गौतम , प्रदेश कायर्यालय सहायक प्रमुख शौरभ अधिकारी विधालयका सहायक प्रअ देवनायक शर्मा, स्काउटर रमन झा, शिक्षक रजनी दुलाल र आशिष घलान लगायतको उपस्थिति रहेको थियो ।
कार्यक्रममा प्रमुख अतिथि हेटौंडा उपमहानगरपालिकाका सदस्य इश्वरी रसाइलीले स्काउटलाई आवश्यक सहयाेग गर्ने बताए ।
हेटौंडा उपमहानगरपालिकास्थित कालिका आधारभूत विद्यालयका प्रधानाध्यापक बैकुण्ठ पराजुलीको सभाध्यक्ष्यतामा र कार्यपालिका सदस्य इश्वरी रसाइलीको प्रमुख आतिथ्यतामा कार्यक्रम भएको थियो ।
कार्यक्रममा १ नं वडा पालिका सदस्य रामकृष्ण अधिकारी, बागमती प्रदेश सदस्य अशोक सारु मगर, महेन्द्र राना, कार्यालय प्रमुख शोभा लामिछाने, सहायक शौरभ अधिकारी, विधालय व्यवस्थापन अध्यक्ष इन्द्र बहादुर पाख्रिन, १ नं वडा पालिका सदस्य सोनाम सिं ब्लोन, स्काउटर सिता ब्लोन, अनिल आचार्य, निशा गौतम र इश्वर लामिछाने लगायतकाे सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
