मकवानपुर थाहा नगरपालिका वडा नंम्बर ३ का कोरोना भाइरस कोभिड–१९ संक्रमित एक जना पुरुषको गए राति मृत्यु भएको छ । रिपोर्ट अनुसार उनी ४३ वर्षिय पुरूष हुन् । ४ कात्तिकमा काठमाडौंस्थित मनमोहन मेमोरियल मेडिकल कलेज एण्ड टिचिङ हस्पिटलमा कोरोना पुस्टि भएपछि उनी होम आइसोलेसनमा बस्नेगरी थाहानगर फर्किएका थिए ।
करिब २ सातादेखि ज्वरो आएर निको नभएपछि उनी ३ कात्तिकमा उपचारका लागि काठमाडौंस्थित मनमोहन मेमोरियल गएका थिए । अस्पतालमा स्वास्थ्य जाँच गर्दा उनीमा छातीको संक्रमण देखिएको उनका आफन्तले बताएका छन् । भोलिपल्ट पिसिआर बिधिबाट कोरोना परीक्षण गर्दा पोजिटिभ रिपोर्ट आएपछि आफन्तले अस्पतालकै आइसोलेशन बेडमा बस्न सुझाव दिए पनि उनी घर फर्किएका थिए ।
६ कार्तिक बेलुकाबाट स्वासप्रस्वासमा समस्या देखिएको पारिवारिक श्रोतले बताएको छ । उनको राती साँढे १ बजे डाक्टरले मृत्यु भएको घाषणा गरेका थिए । बिहान जनप्रतिनिधि र प्रहरीको सहयोगमा चनवन व्यारेकबाट खटिएको नेपाली सेनाको टोलीले शब व्यवस्थापन गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
