हेटौंडामा युथ मोटिभेसनल सेमिनार हुने

चर्चित पाइलट तथा कलाकार विजय लामाको उपस्थितीमा हेटौंडामा युथ मोटिभेसनल सेमिनार हुने भएको छ । रोट्रयाटक क्लब अफ हेटौंडाको आयोजनामा सेमिनार हुने आज पत्रकार सम्मेलन गरि जानकारी दिइएको छ ।  

विद्यार्थीहरुको  विभिन्न सोच विचारमा परिवर्तन गर्न र भविष्यमा कसरी अघि बढ्ने भन्न विषयमा मोटिभेसनल सेमिनारको आयोजना गरिएको क्लबका अध्यक्ष सरोज देवकोटाले बताए । विभिन्न किसिमका सामाजिक कार्य गर्दै आएको क्लबले केहि दिनअघि मनहरी ज्यामिरेमा निशुल्क दन्त परीक्षण शिविर कार्यक्रमको आयोजना गरेको थियो । 

सेमिनारमा करिब हेटौंडाका विभिन्न क्याम्पस÷कलेजका ६५० जना विद्यार्थीहरुको सहभागिता रहने कार्यक्रम संयोजक समिन ढुङगानाले बताए । भदौको १५ गते हेटौंडा ५ मा रहेको पुजा व्याङ्क्वेटमा कार्यक्रम हुने उनले बताए । कार्यक्रममा विद्यार्थीहरुले सहभागिता जनाउन पाइने र प्रवेश शुल्क एक सय लाग्ने संयोजक ढुङ्गानाले बताए । कार्यक्रममा विजय लामा र सौनक भट्टले सेमिनारमा मोटिभेसनल विचार राख्ने आयोजकले जनाएको छ ।  नविल बैंक कार्यक्रमको मुख्य प्रायोजकको रुपमा रहेको छ । प्रवेश टिकटको लागि हेटौंडा ४ इन्द्रेणी बजारमा रहेको एआर ग्राफिक्स र भैरवरोडबाट कान्तिराजपथ जाने माता सप्लायर्समा उपलब्ध हुने आयोजकले जनाएको छ ।