मकवानपुरको थाहा नगरपालिका चित्लाङबाट हराएको महालक्ष्मीको मूर्तिफेला परेको छ । थाहानगरकै बज्रबाराहीमा घर भाडामा लिएर बसेकाका रामहरी भट्टको घरमा मूर्ति भेटिएको हो । इलाका प्रहरी कार्यालय पालुङको सहयोगमा मुर्ति भेटिएको हो ।
मुर्तिलाई सफा सुग्घर गरि बेच्नलाई ठिक्क पारिएको अबस्थामा फेला परेको प्रहरीले जानकारी दिएको छ । मूर्तिलाई परम्परा अनुसार थकाली जनक बलामीको घरमा राखिएको थियो । जात्रा नजिकिएसंगै स्थानीयले मुर्ति हेर्न खोज्दा नभेटेपछि चोरीको आशंका गरी खोजीकार्य तिब्र पारिएको थियो ।
प्रहरीले घर धनी बलामी, घर भाडामा लिने भट्ट सहित तीनजनालाई नियन्त्रणमा लिएर अनुसन्धान गरेपछि चोरी भएको मुर्ति भेटिएको हो ।
अहिले तीनै जनाको अनुसन्धान भई रहेको जिल्ला प्रहरी कार्यालय मकवानपुरका प्रहरी नायब उपरीक्षक तथा प्रवक्ता दिलिप राज झाले जानकारी दिए ।
स्थानीय गुरु स्वर्गिय भिम लाल बलामीको घरमा राखिएको मुर्ती उनको मृत्यु भएपछि थकालीको नाताले जनकको घरमा राखिएको थियो ।
किराँतकालिन उक्त मूर्ति हजार वर्ष पुरानो भएको प्रहरीको अनुमान छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
