स्मार्ट सिटी सम्बन्धी अभिमुखीकरण कार्यक्रम २ असारमा हेटौंडामा भएको छ । हेटौंडा उपमहानगरपालिकाले कार्यक्रम आयोजना गरेको हो । कार्यक्रममा त्रिभुवन विश्वबिद्यालयका उपप्राध्यापक एवम् राष्ट्रिय सुचना तथा सञ्चार परिषदका सदस्य रोमकान्त पाण्डे, सचिनजंग कार्कीले सहजिकरण गर्नुभएको थियो ।
कार्यक्रममा उपमहानगरपालिकाका मेयर हरिबहादुर महत, उपमेयर मिना लामा, वडा अध्यक्षहरु, कर्मचारीहरुको सहभागिता रहेको थियो । कार्यक्रममा स्मार्ट सिटीको परिचय, तत्व, महत्व, उत्कृष्ट स्मार्ट सिटीहरु, बिद्युतीय सुशासन, शुरु गर्नुपर्ने बिषयहरु, स्मार्ट फोहर व्यबस्थापन, स्मार्ट पानी बितरण, स्मार्ट बिद्युत प्रशारण, स्मार्ट यातायात लगाएतका बिषयमा अनुशिक्षण दिईएको थियो ।
कार्यक्रमको समापनमा उपमेयर मिना लामाले सूचना र प्रबिधिको युग २१ औँ सताव्दीमा हेटौंडालाई स्मार्ट सिटी बनाउन पहल गर्ने प्रतिबद्धता जनाउँनुभयो ।
