पश्चिमी मकवानपुरको सरिखेत गाबिसमा २४ पुसमा स्थानीय साङ्गे छ्योइलिङ् गुम्बाको आयोजनामा ल्होछार सम्बन्धि बिशेष अन्तरक्रिया कार्यक्रम सम्पन्न भएको छ । बिगतका बर्ष घरमा चेलीबेटी आफन्तजन बोलाइ ल्होछार मनाउने यहाँको स्थानीयहरुमा चेतनासंगै भेगीय रुपमा बृहत ल्होछार मनाउन अहिले सबै लागि परेका छन् ।
अहिले देशबिदेशमा ल्होछार बिशेष बृहत कार्यक्रमको तिब्र तयारी भइरहेको अन्तरक्रिया कार्यक्रमका प्रमुख अतिथि नेपाल तामाङ् घेदुङ्, मकवानपुरक अध्यक्ष लिलाकुमार घलानले बताए ।
तामाङ भाषा र संस्कृति प्रबर्दनका लागि सोनाम ल्होछार–२८५३ घरघरमा मनाऔं, ताम्सालिङ सहितको संविधान संशोधनका लागि गाउँ गाउँबाट जनदबाब सिर्जना गराऔं भन्ने मुल नाराको साथ यस वर्ष ल्होछार मनाइँदैछ ।
बिगतका बर्ष गुम्बाको पुजामा मात्र सिमित ल्होछार कार्यक्रम यसपाली बृहत रुपमा मनाउन कार्यक्रम गरिएको गुम्बाको सचिब बाबुलाल स्याङ्तानले बताए । राज्यबाट हामी पीडिीत छौ , आफ्नो चाडपर्ब सस्कार सस्कृतिको लागि सदैब लागि पर्नपर्छ सरिखेत गाबिसक चन्द्रलाल लामाले बताए ।
१४ माघमा गुम्बामा बिशेष पाठपुजा गर्ने, १५ माघमा गुम्बा परिसरमा नाचगान गर्ने र १६ माघमा सरिखेतको पलासे बजारको खुल्ला मैदानमा विशेष कार्यक्रम गर्ने गुम्बाका अध्यक्ष चित्रबहादुर थिङ्ले बताए ।
कार्यक्रम साङ्गे छ्योइलिङ् गुम्बाको अध्यक्ष थिङको सभाध्यक्षतामा सम्पन्न भएको थियो ।
-दिलबहादुर गोले
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
