अमेरिकी सरकारको सहयोगमा २०२१ सालदेखि हेटौंडा–काठमाडौं सञ्चालित रोपवे हाल १८ वर्षदेखि अलपत्र छ ।
भैंसेस्थित सबस्टेसनमा बिग्रेको तार र ट्रान्सफर्मर मर्मतसम्भारका लागि सरकारले रकम उपलब्ध नगराउँदा २०५६ सालमा रोपवे बन्द भएको थियो । पछि २०५८ सालमा सरकारले यसलाई खारेज गरेको थियो । बन्दको साथसाथै विघटनपछि बेवारिसे बनेको हेटौंडा–काठमाडौं रोपवेका तार र क्यारियरहरू गाउँलेको निम्ति धराप थापेको जस्तो भएको छ ।
कुनै पनि बेला तार चुडिएर बस्तीका बासिन्दाहरू घाइते हुन सक्छन् भने, अर्कोतिर क्यारियर खसेर मृत्यु नै हुन सक्ने जोखिम बढेको छ । चार सय ५० हर्सपावर क्षमताको रोपवे हेटौंडाबाट काठमाडौं जाँदा २२ टन प्रतिघन्टा र काठमाडौंबाट हेटौंडा आउँदा ११ टन प्रतिघन्टा भारवहन क्षमता थियो । हेटौंडाबाट मुग्लिन हुँदै काठमाडौं दुई वटा ट्रक आवतआवत गर्न करिब दुईसय लिटर इन्धन आवश्यक पर्छ भने यसको विकल्पमा ६ घन्टामात्र रोपवे सञ्चालन हुँदा पनि १२ सय लिटर इन्धन बचत हुने निजि क्षेत्रको भनाई छ ।
सरकारी उदासिनताका कारण लामो समयदेखि बन्द रहेको हेटौंडा–काठमाडौं रोपवेको करोडौं मूल्यको तार र मालसामान चोरी हुनुका साथै संरक्षणविहीन अवस्थामा रहेको छन् ।
-टीम टी.भि.
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
