मकवानपुरकाे पर्यटकीय क्षेत्र थाहानगरकाे दामन, सीमभञ्ज्याङ, काेटथुम्की, देउराली लगायतकाे स्थानहरुमा ८ फागुन बेलुकी हिमपात भएकाे छ ।
थाहानगरकाे शिखरकाेट, थानाबजार, ओखरबजार लगायत मुख्य बजारसहित तल्लाे भेगमा समेत हिउँ परिरहेकाे छ । जारी हिमपात कति समय पर्ने र कति जम्ने अहिले नै एकीन गर्न सकिने अवस्था छैन ।
८ फागुन बेलुकी ८:०७ बजेबाट शिखरकाेटमा हिउँ पर्न शुरु भएकाे स्थानीय किसन रायमाझीले बताए । हिमपातअघि हुरीबतास र वर्षासँगै हल्का असिना परेकाे थियाे ।
थाहानगरमा अघिल्लोपटक परेकाे हिउँ सकिन नपाउँदै अर्काे हिमपात भएकाे हाे । याेसमेत यस वर्ष यहाँ ४ पटक हिमपात भएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
