सरकारले शहरी विकास ऐन बनाउने तयारी गरेको छ ।
शहरी विकास मन्त्रालयले सहरी विकास योजनालाई एकीकृत ढंगले अघि बढाउन शहरी विकास ऐन ल्याउने तयारी भइरहेको जानकारी गराएको छ । शहरी विकास मन्त्रालयका सचिव दिपेन्द्रनाथ शर्माले शहरी विकास योजनालाई एकीकृत ढंगले अघि बढाउन ऐनकै व्यवस्था गर्न लागिएको जानकारी दिए ।
सरकारले शहरी विकास योजनालाई कार्यान्वयनमा लैजान राष्ट्रिय आवास नीति, २०६८ पनि पारित गरिसकेको छ । सरकारले जनता आवास कार्यक्रममार्फत् हालसम्म समुदायलाई ६ हजार आवास निर्माण गरी हस्तान्तरण गरेको छ । यस वर्ष २५ हजार आवास बनाएर जनतालाई हस्तान्तरण गर्ने योजना बनाइएको पनि सचिव शर्माले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
