Sunday, 11th April, 2021
वि.स.

विपनालाई सहकारीले १० सम्म पढाउने

टिस्टुङ–४ तारुकाकी बालिका विपना लामालाई टिस्टुङको महिला सहकारीले १० कक्षासम्म पढाइदिने भएको छ । टिस्टुङको महिला शक्ति बचत तथा ऋण सहकारी संस्थाले उनलाई अध्ययनको लागि छात्रवृत्ति प्रदान गरेको हो ।
विपना नौखण्डेस्थित बागेश्वरी माविको कक्षा ६ मा पढ्छिन् । आर्थिक अवस्था कमजोर भएकाले उनलाई पढ्न समस्या थियो । उनका बाबुआमा दुबै छैनन् । 
असोज १५ गते शनिबार उक्त सहकारीको १७ औं साधारण सभाको अवसरमा उनलाई छात्रवृत्ति घोषणा गरिएको हो । सहकारीकी अध्यक्ष मिना गुरुङले उक्त छात्रवृत्ति घोषणा गरेकी थिइन् ।
विपना बागेश्वरी बाल क्लबको सदस्यसमेत हुन् ।