नेपाल विद्युत प्राधिकरण पालुङ वितरण केन्द्रले घरेलु मिलबाट १५ भाद्रमा विद्युतीय मोटर बरामद गरेको छ ।
प्राधिकरणले संचालन गरेको विद्युत चुहावट नियन्त्रण अभियान अन्तर्गत प्राधिकरणको चुहावट नियन्त्रण टोलीले लामो समयदेखि प्रयोग गरिरहेको विद्युत मिटर थाहा नगरपालिका वडा नम्बर ११ को टिष्टुङबाट बरामद गरेको हो । पालुङ वितरण केन्द्रले वक्यौता नतिर्ने ग्राहकहरुको लाईन काट्ने र विद्युत चुहावट नियन्त्रण अभियानलाई तिव्र बनाएसँगै थाहानगरका विभिन्न क्षेत्रमा यस साता मात्र बक्यौता नतिर्ने ३ दर्जन ग्राहकको लाईन समेत काटि सकेको छ ।
अभियान अन्तर्गत प्राधिरकणले सबै ग्राहकको घरमा जडान भएका मिटरको अनुगमन गर्ने, डाईरेक्ट हुकिङ नियन्त्रण गर्ने र वक्यौता रहेका ग्राहकको लाईन काटी बाँकी वक्यौता अशुल उपर गर्ने पालुङ वितरण केन्द्रका प्रमूख सन्तोष प्रसाद पन्तले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
