मकवानपुर थाहा नगरपालिका शिक्षा शाखाको आयोजनामा सामुदायिक विद्यालयहरुमा कार्यरत् सहयोगी कार्यकर्ताहरुका लागि तीनदिने पुर्नताजकी तालीम शुरु भएको छ ।
थाहा नगरपालिकाको जेसीज सभाहलमा तालीम शुरु भएको तालीमको एक समारोहकाबीच थाहा नगरपालिकाका नगर उपप्रमुख खड्ग गोपालीले उद्घाटन गरेका हुन् । २१ पौष सम्म संचालन हुने तालीममा ५६ जना बाल विकास सहयोगी कार्यकर्ताहरुको सहभागिता रहेको छ । सहभागीहरुलाई थााहा नगरपालिका शिक्षा शाखा प्रमुख लक्ष्मण दाहाल, स्रोत व्यक्ति रामकुमार ठाकुर, संगिता काकीृ र मुना राइले सहजीकरण गरिरहेका छन् ।
तालीम उद्घाटन समारोह थाहा नगरपालिका शिक्षा समितिका अध्यक्ष शशीधर सुवेदीको सभाध्यक्षतामा भएको थियो । थाहा नगरपालिकामा समुदायमा आधारीत ७ सहित ६१ वडा बाल विकास केन्द्रहरु संचालनमा रहेको शिक्षा शाखा प्रमुख दाहालले बताए । नगरमा ५५ सामुदायिक विद्यालय रहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
