महिलालाई अवसर दिएमा जे पनि गर्न सक्नेः– प्रमुख भुसाल
पुनःनिर्माणमा पैसाको कारण नभइ प्रक्रियाको कारण झमेला भएको

महिलालाई अवसर दिएमा जे पनि गर्न सक्ने राष्ट्रिय पुनःनिर्माण प्राधिकरणका प्रमुख कार्यकारी अधिकृत युवराज भुसालले बताएका छन । चुलो र चौकोमा सिमित महिलाहरुले ३ सय ९० घण्टाको डकर्मी तालिम लिएपछि पुनःनिर्माणको काम गरेको भन्दै महिलाहरुलाई अवसर दिएमा जस्तो काम पनि गर्न सक्ने बताए । थाहा नगरपालिकाको थानाबजारमा आइतबार भएको ५० दिने कार्यगत डकर्मी तालिमका लक्षित वर्गहरुसंगको अन्तरक्रिया तथा प्रमाणपत्र बितरण कार्यक्रममा बोल्दै कार्यक्रमका प्रमुख अतिथि भुसालले यस्तो बताएका हुन । थाहा नगरपालिकामा डकर्मी तालिम लिनेहरुमा एक तिहाइ महिलाहरुले सक्रिय सहभागीता जनाउँदै पुनःनिर्माणमा लागेको प्रति खुशी ब्यक्त गर्दै समाज रुपान्तरणको दिशामा लागेको बताए ।

असार मसान्त सम्म साँढे ४ लाख घर बनाइसक्ने लक्ष्य राखेपनि करिब करिब साँढे ४ लाख घर दोस्रो किस्ता लगेर तेस्रो किस्ताको लागि तयार रहेको र करिब डेढ लाख घर बनिसकेको बताउँदै प्रमुख कार्यकारी अधिकृत भुसालले देशमा पुनःनिर्माण चाँडै सकाउन गाउँगाउमा सिप बिकासको कार्यक्रम गरिरहेको र गाउँगाउँमा खटिएका डकर्मीहरुको सक्रियताले नै पुनःनिर्माण चाँडै सक्ने बताए । सिकर्मी, डकर्मी, प्रवलीकरण, प्लम्बिङ लगायतमा तालिमले गर्दा धेरै जनशक्ति लावान्वित भएको बताए । उनले अब पुनःनिर्माण प्रधिकरणले २ हजार इन्जिनियरहरु र १२ हजार मिस्त्रीहरुलाई तालिम दिने र करिब १ हजार अशक्तहरुलाई घर बनाइदिने कार्यक्रम ल्याउन लागेको जानकारी दिए । प्राधिकरण कर्मचारीहरु तथा इन्जिनियरहरुबाट पुनःनिर्माणमा केही समस्या भएको भए पनि स्थानिय निकायसंग समन्वय गरेर जान सहभागीहरुलाइ अनुरोध गरे ।

घर धनीहरुको तर्फबाट भनाइ राख्दै घरधनी रुपा मगरले ट्रेनिङ सेन्टरले बिभिन्न तालिम दिएर अशक्त, असहायहरु र एकल महिलाहरुको घर निर्माण गरि, तालिम दिइ सहयोग गरेको प्रति खुशी ब्यक्त गरे । उनले लाभग्राहीहरुले घर निर्माण गर्नको लागि ऋण लिएर निर्माण कार्य गरेको तर दोस्रो किस्ता नपाएको कारण समस्या भएको बताउँदै किस्ता किन आएन ? के कारण आएन? के ही प्रक्रिया नपुगेको भए यो यो प्रक्रिया पुगेन भन्नुपयो? र चाँडै नै किस्ता निकासा गरिदिन अनुरोध गरिन् । 

अर्का महिला नाइके डकर्मी पञ्चमाया बलामीले कार्यक्रममा बोल्दै तालिम पश्चात फिल्डमा काम गरि नमुना घर बनाउदा पुरुषहरु र जनप्रतिनिधिहरुको आलोचनालाई चिर्दै समाजको बिकासमा लागेको बताइन् । आफुले स्वयमसेविका, देशको सेवा, देखी महिला डकर्मी सम्मको काम गरेको सुनाउदै पढाइबाट बञ्चित नगराए महिलाले काम गर्दा बेइज्जत हुन्छ भन्ने मानसिकतालाई चिरेर अघि बढ्न सक्ने बताए ।

कार्यक्रममा बोल्दै प्रमुख कार्यकारी अधिकृत भुसालले केन्द्रबाट पैसा पठाएको पठाइ छ तर जिल्लामा, बैंकमा, कोष तथा नियन्त्रण कार्यालय वा काहाँ रोकियो इन्जिनियर, प्रबिधिक र कर्मचारीहरुसंग आफुले प्रष्ट पार्ने र जनताहरुको लागि स्थानिय निकाय र जनप्रतिनिधिहरुले समन्वय गर्नु पर्ने बताउँदै जनताहरुलाई दुख दिने प्रबृत्ति अन्त्य गर्नु पर्ने बताए । डकर्मीको काम गरिरहेका जनशक्तिहरुलाई प्राधिकरणले अझै ७ दिने तालिम दिने योजना रहेको बताए । पुननिर्माणमा सरकारी प्रक्रियाको कारण ढिलासुष्टि भएको बताउँदै गुनासो राखेर सम्बोधन नभएको, पहिलो, दोस्रो, तेस्रो किस्ता नआएको गुनासोको जवाफ दिदै प्रमुख भुसालले चाँडै नै ति सबै पैसा आउने र पैसाको कारण नभइ प्रक्रियाको कारण झमेला भएकोले प्रक्रियाको क्रममा पैसा हराइरहेको बताए ।
घर नभट्काए हुने र प्रवलीकरण गरे हुने भएमा ३ लाखमा नाम लेखाएको भए पनि संसोधन गरि १ लाखमा नाम लेखाउन मिल्ने र घर नभट्काइ नहुने भए १ लाखमा नाम लेखाएको भए पनि ३ लाखमा नाम लेखाउन मिल्ने बताए । समय ढिला भए पनि पीडितको गुनासो सुन्ने र समाधानको काम भने गर्ने प्रतिबद्धता ब्यक्त गरे ।

राष्ट्रिय पुनःनिर्माण प्राधिकरणका प्रमुख कार्यकारी अधिकृत युवराज भुसालको प्रमुख आतिथ्यतामा भएको कार्यक्रममा केन्द्रिय आयोजना कार्यान्वयन इकाईका उप निर्देशक डा. युवराज पौडेल बिशिष्ट आतिथ्यता र थाहा नगरपालिकाका नगरप्रमुख लबसेर बिष्टको सभाध्यक्षता रहेको थियो । कार्यक्रममा ५० दिने डकर्मी तालिम लिएका थाहा नगरपालिकाका बिभिन्न वडाका डकर्मीहरुलाई सि.टि.ए.भि.टी.को डकर्मी प्रमाणपत्र बितरण गरिएको थियो । ट्रेनिङ सेन्टर नेपालको आयोजनामा सञ्चालन भएको कार्यक्रममा थाहा नगरपालिकाका बिभिन्न वडाका वडाध्यक्षहरु, पत्रकार, तालिम लिएका डकर्मीहरु, डकर्मी नाइके, घरधनीहरु तथा सरोकारवालहरुको सहभागिता रहेको थियो ।

हेर्नुहोस भिडियो 

 https://www.youtube.com/watch?v=VDp48PLsXEs

https://www.youtube.com/watch?v=vuI5RVAkYCI