श्रीमद् भागवत पितृमोक्ष धनधान्यान्चल सप्ताह बिराट ज्ञान महायज्ञ २०७६ को महायज्ञबाट जति रकम उठे पनि महायज्ञको उदेश्य पुरा गर्न नपुग रकम थाहा नगरपालिकाले ब्यहोर्ने थाहा नगरपालिकाका नगरप्रमुख लबशेर विष्टले बताए । श्रीमद् भागवत पितृमोक्ष धनधान्यान्चल सप्ताह बिराट ज्ञान महायज्ञको छैटौँ दिनको औपचारिक कार्यक्रममा प्रमुख आतिथ्यता ग्रहण गरेका विष्टले आफ्नो मन्तव्य मार्फत यस्तो बताएको हो । थाहा नगरपालिकामा रहेको मत्स्यनारायण मा.वि. र पाथीभरा मन्दिरको विकास र प्रवद्र्धन कार्य नगरपालिका कै भएका कारण महायज्ञबाट जति सुकै रकम उठे पनि काम सम्पन्नताको लागि नपुग रकम सबै नगरपालिकाले नै व्यहोर्न तयार रहेको प्रतिबद्धता व्यक्त गरे ।
मत्स्यनारायण माद्यामिक विद्यालयमा कक्षा ११ र १२ का साथै प्राबिधिक शिक्षा सञ्चालन र पाथीभरा लक्ष्मेश्वरी मन्दिर परिसरलाई धार्मिक पर्यटकिय स्थलको रुपमा विकास गर्ने लक्ष्यका साथ महायज्ञ आयोजना गरिएको हो । ज्ञान महायज्ञको समापन समारोह यहि असार २५ गते हुनेछ ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
