जिल्ला प्रहरी कार्यालय मकवानपुरले सुमोमा यात्रा गर्ने यात्रु ठग्ने चालक तथा टिकट काउन्टरमा रहने कर्मचारीलाई पक्राउ गरेको छ । हेटौँडाबाट काठमाण्डौँ जाने टाटासुमोमा यात्रु निरन्तर ठगिएको भन्ने सूचनाको आधारमा २ पौषमा जिल्ला प्रहरी कार्यालय मकवानपुरले ५ जनालाई पक्राउ छ ।
जिल्ला प्रहरी कार्यालय मकवानपुरबाट खटिएका प्रहरी टोलीले तोकिएको भन्दा बढी भाडा असुल गर्ने व्यक्तिहरु सवारी साधन सहित पक्राउ गरेको हो । प्रहरीले ना १ ज २४४० नम्बरको सुमोका चालक २१ वर्षीय राजु प्रसाद थपलियालाई पक्राउ गरेको जिल्ला प्रहरी कार्यालय मकवानपुरले जनाएको छ । चालक थपलिया मकवानपुरको मनहरी गाउँपालिका वडा नम्बर १ मा बसोबास गर्छन् ।
त्यस्तै ना १ ज ६२५० नम्बरको सुमोका चालक हेटौँडा उपमहानगरपालिका वडा नम्बर १३ बस्ने ३४ वर्षीय सुकबहादुर थिङ, बा १५ च ९०३८ नम्बरको स्कारपियोका चालक नुवाकोट जिल्लाको वेलकोट ८ बस्ने वर्ष ५० वर्षीय नरबहादुर नेपाललाई समेत पक्राउ मकवानपुर प्रहरीले जनाएको छ । प्रहरीले टिकट काउण्टरबाट टिकट बेच्ने हेटौंडा १३ का ३० वर्षिय दिपक लामा र हेटौंडा १ का ३७ वर्षिय धिरव राजथलालाई पनि नियन्त्रणमा लिएको जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
