थाहा नगरपालिकामा राष्ट्रिय कवि सम्मेलन हुने भएको छ । थाहा आन्दोलनका अगुवा स्वर्गिय रुपचन्द्र विष्टको स्मृति दिवसको अवसरमा कवि सम्मेलन गर्न लागिएको हो । सम्मेलन असार ७ गते विकास घर शिखरकोटमा हुने नगरपालिकाका प्रमुख लवशेर विष्टले जानकारी दिए ।
थाहा नगरपालिका र पालुङ साहित्य परिषद्को संयुक्त आयोजनामा हुने सम्मेलनमा मुलुकभरका सातै प्रदेशका साहित्यकारहरुको सहभागिता रहने पालुङ साहित्य परिषद्का अध्यक्ष बिर्खे अञ्जानले जानकारी दिए ।
लामो समयदेखि साहित्यको क्षेत्रमा क्रियाशील साहित्य परिषद्ले यस पटक भने राष्ट्रिय सम्मेलन गर्न लागेको अध्यक्ष बर्तौलाले जानकारी दिए । राष्ट्रिय कवि सम्मेलनले मकवानपुरको उत्तरी क्षेत्रको पर्यटन प्रवद्र्धनमा समेत टेवा मिल्ने विश्वास लिइएको छ । थाहा नगरमा नै पहिलो पटक आयोजना गर्न लागिएको सम्मेलनको तयारी तिब्र पारिएको अध्यक्ष बर्तौलाले जानकारी दिए । सम्मेलनलाई सफल पार्नको लागि सबैको सहयोग आवश्यक रहेको उनले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
