मकवानपुरका प्रमुख जिल्ला अधिकारी प्रेमराज जोशी सहित छ जिल्लाको प्रमुख जिल्ला अधिकारी हेरफेर भएकाछन् । गृह मन्त्रालयले मकवानपुरमा तीन महिना अघी पठाएको प्रमुख जिल्ला अधिकारी जोसीको चितवन महाँनगरपालिकाको प्रमुख प्रशासकिय अधिकृतका रुपमा सरुवा गरिएको हो ।
सरुवा हुनु भएका जोशीलाई हेटौंडा उपमहानगरपालिकाका मेयर हरिबहादुर महतले खादा र फुल लगाएर विदायी गरे । विदायी कार्यक्रममा हेटौंडा उपमहानगरपालिकाका प्रमुख प्रशासकिय अधिकृत सहित सबै महासाखाका प्रमुख तथा कर्मचारीहरुको सहभागिता रहेको थियो ।
गृहमन्त्रालयका अनुसार पर्साका सीडीओ नारायणप्रसाद भट्टराई चितवन र चितवनका सीडीओ जितेन्द्र बस्नेत पर्सा सरुवा भएका छन् । भक्तपुरका सीडीओ नारायणप्रसाद भट्ट मकवानपुर सरुवा भएर आउनुहुने भएका छन् । गृह मन्त्रालयककी सहसचिव हुमकला पाण्डे भक्तपुरको सीडीओमा सरुवा भएकी छिन् ।
लमजुङका सीडीओ डा डिजन भट्टराई अध्यागमन विभागमा र अध्यागमन विभागका लक्ष्मणबहादुर खड्का लमजुङको सीडीओमा सरुवा भएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
