भीमफेदी गाउँपालिकामा ८ साउनमा स्काउटसम्बन्धी १ दिने प्रशिक्षण तथा अभिमुखीकरण सम्पन्न्न भएको छ।
नेपाल स्काउट बागमती प्रदेश स्काउटअन्तर्गत स्थानीय स्काउट कार्यालय भीमफेदीले युवाहरुलाई स्काउटबारे अभिमुखीकरण गरेकाे हाे ।
युवा पुस्तालाई स्काउटिङ गतिविधिमा सामेल गराउने र स्काउट भोलेन्टियरहरु उत्पादन गर्ने उद्देश्यले अभिमुखीकरण गरिएको स्थानीय स्कनउट समिति भीमफेदीका संयोजक आशिष अस्लामीले बताउनुभयो ।
कार्यक्रमको उद्घाटन सत्रमा स्थानीय स्काउटक संरक्षक एवम् पालिका प्रमुख हिदम लामाले मन्तव्य व्यक्त गर्दै भीमफेदी स्काउट मानवीय तथा सामाजिक हितको काममा सक्रिय भएकोमा आफुलाई मन परेको र भोलिका गतिबिधिमा आफू सधै अभिभावकको भूमिका निर्वाह गर्न तयार रहेको प्रतिबद्धता व्यक्त गरे ।
३५ जना युवाहरुको सहभागिता रहेको कार्यक्रमको मुख्य प्रशिक्षकको रुपमा बागमती प्रदेश स्काउट सदस्य असोक सारु रहेका थिए भने साहायक प्रशिक्षकको रुपमा स्काउट भीमफेदी संयोजक आशिष अस्लामी र रोभर लिडर अनिल आचार्य रहेका थिए ।
१६ देखि २४ बर्ष उमेरका युवालाई लक्षित गरेर कार्यक्रम आयोजना गरिएकाे स्थानीय स्काउट समिति सदस्य राजिब परियार बताए ।
कार्यक्रममा भीमफेदी गाउँपालिका शिक्षा शाखाका प्रतिनिधि एवम् स्काउट सदस्य सचिव गोविन्दप्रसाद चौलागाईं, प्रशासन शाखा प्रमुख रविचन्द्र थापा लगायतकाे उपस्थिति रहेको थियो
