भीमफेदी गाउँपालिकाले वडावडामै सामाजिक सुरक्षा भत्ता वितरण गरेकाे छ ।
बैंकमा गएर भत्ता बुझ्न नसकेका लाभग्राहीहरुलाई वडा वडामै सिविर सञ्चालन गरी भत्ता वितरण गरिएकाे हाे ।
वडा कार्यालयमा पनि आउन नसक्ने लाभग्राहीहरुलाई घरघरमै पुगेर भत्ता वितरण गरिएको गाउँपालिका उपाध्यक्ष पार्वती रानाले बताए । वडा कर्यालयबाट टाढा रहेका लाभग्राहीहरुलाई वडाको सिफारिसको आधारमा संरक्षणकमार्फत् भत्ता वितरण गरिने व्यवस्था मिलाइएको छ ।
भीमफेदी गाउँपालिका र नेपाल इन्भेष्टमेन्ट बैंकबीच भएकाे सम्झौताबमाेजिम वडा नं. १,२,३ र ९ का ७० बर्ष माथिका जेष्ठ नागरिक, जेष्ठ एकल महिला,जेष्ठ नागरिक दलित, असहाय एकल महिला, क वर्गको अपांग, ख वर्ग अपांग र दलित बालबालिका लगायतलाई वडा अध्यक्ष र वडाका कर्मचारीले भत्ता वितरण गरेका थिए ।
घरघरमै पुगेर भत्ता वितरण गर्दा लाभग्राहीहरु खुशी भएका छ्न् ।
संघीय सरकारले बैंकमार्फत सामाजिक सुरक्षा भत्ता वितरण गर्ने व्यवस्था गरेपछि गत २०७७/२०७८को दोस्रो चौमासिकदेखि बैंकमार्फत् भत्ता बितरण गर्न थालेकाे हो ।
