लियो क्लब अफ बाग्लुङ कालिकाको पदाअधिकारीहरुलाई लियो क्लब अफ पिस थाहाले एक समारोहकाबीच स्वागत गरेको छ । स्थापनादेखि नै सामाजिक क्षेत्रमा क्रियाशील लियो क्लब अफ पिस थाहाले पर्यटकीय नगरीमा भ्रमण आएका बागलुङका पदाअधिकारीलाइृ स्वागत गरेको हो ।
लायन्स क्लब अफ पिस थाहाका अध्यक्ष लायन सुरेन्द्रमान प्रधान, लियो क्लब अफ पिस थाहाका अध्यक्ष लियो अनित बिष्टले पाहुनाहरुलाई टीका, माला लगाई स्वागत गरेका थिए ।
बागलुङ कालिकाका पदाअधिकारीहरुलाई थाहानगरको होटल फेमेलीमा कार्यक्रमको आयोजना गरी स्वागत कार्यक्रम गरिएको हो । लियो थाहाका अध्यक्ष विष्टले लियो क्लब अफ पिस थाहाले बागलुङ भ्रमण गरेको छोटो समयमै बागलुङ कालिकाको उपस्थितिले निक्कै खुशी महशुस भएको प्रतिक्रिया दिए । थाहाको भ्रमणमा आएका पाहुनाहरुले नगरका ऐतिहासिक तथा पर्यटकीय क्षेत्रहरूको भ्रमण गरेका छन् ।
लियो क्लब अफ पिस थाहाले लियो क्लब अफ बाग्लुङ कालिकाको आयोजनामा भएको प्रथम काउन्सिल बैठकमा सहभागी हुन ३१ भाद्रमा बागलुङ पुगेका बेला थाहा भ्रमणको लागि निमन्त्रणा गरेको थियो । बागलुङमा भएको कार्यक्रममा लियो क्लब अफ पिस थाहाले दुई अवार्ड पाएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
