बागमती प्रदेशमा हालसम्म छ हजार ७ सय ५५ जनाको कोरोना परीक्षण गरीएको छ । सामाजिक विकास मन्त्रालय अन्तर्गतको ल्याब तथा स्वास्थ्य संस्थाहरु मार्फत उनीहरुको परीक्षण गरिएको हो । प्रदेशले एक हजार ६ सय १६ जनाको स्वाब संकलन गरेर पीसीआर विधिबाट कोरोना भाइरस (कोभिड–१९) को परीक्षण गरेको मन्त्रालयका डाक्टर पुरुषोत्तम सेडाईले जानकारी दिए । परीक्षण गरिएकाहरु मध्ये हालसम्म ६ जनामा कोरोना भाइरस संक्रमण भएको पुष्टी भएको मन्त्रालयले जनाएको छ । उक्त विवरण यसअघि नै सार्वजनिक गरिसकिएको छ ।
त्यसैगरी प्रदेशभरीमा आरडीटी किटबाट भने ५ हजार १ सय ३९ जनाको कोरोना परिक्षण गरिएको मन्त्रालयले जनाएको छ । ती मध्येमा ५ हजार १ सय २५ जनाको रिपोर्ट नेगेटीभ आएको छ । अरु १४ जनाको रिपोर्ट पोजेटिभ देखिएकोले मन्त्रालयले यसअघि नै सार्वजनिक गरिसकेको छ ।
मन्त्रालय मातहतका जिल्लामा पीसीआर र आरडीटी विधीबाट कोरोना परिक्षणको काम निरन्तर भैरहेको सामाजिक विकास मन्त्रालयका सेडाईले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
