मकवानपुर थाहा नगरपालिका वडा नम्बर ३ मा झिँगटीद्धर टोल नजिकै घर्तिखोलामा तटबन्धन कार्य शुरु भएको छ ।
थाहा शीतभण्डार निर्माण स्थल कालाभैरब चौर (विकास चौर) छेवैको खोलामा तटबन्धन गरिएको निर्माण समितिका अध्यक्ष सुदर्शन विष्टले जानकारी दिए । शीतभण्डार तथा खोला छेउको बस्ती र खोतीयोग्य जमिन संरक्षणका लागि नगरपालिकाले चालु आर्थिक वर्षमा उक्त तटबन्धनका लागि ३० लाख रुपियाँ विनियोजन गरेको थियो ।
तटबन्धन परियोजना अन्तर्गत खोला गहिराउने, जाली लगाउने, ह्युम पाइप राख्ने तथा सिंचाइ कुलो व्यवस्थित गर्ने कार्य गरिने समितिका अध्यक्ष विष्टले जानकारी दिए । तटबन्धनको धेरै काम सकिसकेको उनले जानकारी दिए । खोला तटबन्धनसंगै सोही तटबन्धनको किनाराबाट सडक बनाइने योजना समेत रहेको अध्यक्ष विष्टको भनाइ छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
