मकवानपुर प्रहरीले बलात्कार गरेको आरोपमा मकवानपुरका एकजना युवालाई पक्राउ गरेको छ । पक्राउ पर्नेमा भीमफेदी गाउँपालिका वडा नंबर १ का १८ वर्षीय सुमन वाईवा रहेको जिल्ला प्रहरी कार्यलय मकवानपुरका प्रहरी प्रवक्ता डिएसपी इन्द्रबहादुर रानाले बताए ।
वाईवाले मकवानपुरकै इन्द्रसरोबर गाउँपालिकाकी एक युवतीलाई छुरी देखाएर बलात्कार गरेको भन्दै प्रहरीले पक्राउ गरेको हो । पीडित युवतीले मंगलबार प्रहरीमा उजुरी दिएपछि वाईवा पक्राउ परेका हुन् । इन्द्रसरोबर क्षेत्रमानै सबारी चालकको रुपमा काम गर्ने वाईबाको विषयमा थप अनुसन्धान भैरहेको रानाले बताए । पीडित युवतीलाई प्रहरीले हेटौंडा अस्पतालस्थित एकद्वार संकट व्यवस्थापन केन्द्र (ओसीएमसी) मा आवश्यक स्वास्थ्य परीक्षण तथा मनोसामाजिक परामर्शका लागि रेफर गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
