मकवानपुर थाहा नगरपालिकाको आयोजनामा वडा नम्बर ६ मा उपभोक्ता समितिहरुका लागि ६ असोजमा अनुशिक्षण कार्यक्रम भएको छ ।
आर्थिक वर्ष २०७६/०७७ का लागि नगरसभाबाट स्वीकृत कार्यक्रम संचालन गर्न वा नम्बर ५ र ६ मा गठन भएका उपभोक्ता समूहहरुका अध्यक्ष, सचिव र कोषाध्यक्षलाई तालिम दिएको हो । तालीमका सहभागीहरुलाई थाहा नगरपालिकाका प्रमुख प्रशासकीय अधिृकत हरिलाल पुरी इन्जिनियर सन्तोष बोहरालगायतले सहजीकरण गरेका थिए ।
अनुशिक्षणमा स्थानीय तहको उपभोक्ता समिति गठन, परिचालन तथा व्यवस्थापन सम्बन्धि कार्यविधि, २०७५ मा भएको व्यवस्थाको विषयमा सहजीकरण गरिएको थियो । वडा नम्बर ६ का वडा अध्यक्ष शशीधर सुवेदीको सभाध्यक्षतामा भएको कार्यक्रममा योजना शाखाका प्रकाश कुमार लामा, प्रविधिकहरु सुकदेव विडारी र बलराम यादवको पनि उपस्थिती रहेको थियो ।
यसैबीच ७ असाेजमा थाहा-१० टाैखेलमा अनुशिक्षण हुने नगरपालिकाले जनाएको छ ।
थाहा नगरपालिकाको उपभोक्ता समिति गठन, परिचालन तथा व्यवस्थापन सम्बन्धि कार्यविधि, २०७५ यहाँ क्लिक गरेर पढ्नुहोस
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
