थाहा नगरपालिका वडा नम्बर ६ मा अत्याधुनिक प्रविधि सहित व्यवशायिक कृषि प्रणाली सम्बन्धी एक दिने तालीम सम्पन्न भएको छ । बज्रवाराही नमुना व्यवशायिक टनेल कृषक समुह तथा ६ नम्बर वडा कार्यालयको संयुक्त आयोजनामा तालीम भएको हो ।
तालिममा थाहा नगरपालिका वडा नम्बर ६ का ६० जना कृषकहरको सहभागिता रहेको थियो । तालीमको एक समारोकाबीच थाहा नगरपालिकाका नगर उपप्रमुख खड्ग गोपालीले उद्घाटन गरेका थिए ।
तालीमका सहभागी कृषकहरुलाई अर्गानिक ट्रेड सेन्टरका प्रोपाइटर तथा दहचोक फाँटका कृषि प्राविधिक कृष्ण न्यौपानेले सहजीकरण गरेका थिए । तालीममा बज्रवाराही क्षेत्रमा पाँचवटा भन्दा बढि टनेलमा खेती गरिरहेका कृषकहरुको सहभागिता रहेको आयोजक बज्रवाराही नमुना व्यवशायिक टनेल कृषक समुहका अध्यक्ष सशिन कर्माचार्यले बताए ।
टनेलमा मुख्य गरेर खेती गरिने भेडे खुर्सानी र गोलभेडा खेती प्रविधि विषयमा तालीम केन्द्रित भएको अध्यक्ष कर्माचार्यले जानकारी दिए । 
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
