तराईबाट काठमाण्डौं जोड्ने पुरानो मार्ग भिमफेदीमा पैदल यात्रुलाई निःशुल्क खाना खुवाउने व्यवस्था शुरु गरिएको छ । पैदल यात्रीहरुलाई दम्की रक्स समूहको सहयोगमा निःशुल्क खानाको व्यवस्था गरिएको हो ।
कोरोना भाइरस (कोभिड–१९) को रोकथाम तथा नियन्त्रणका लागि सरकारले गरेको लकडाउनका कारण घर जान हिँडेकाहरुलाई खाना र विश्रामको व्यवस्था गरिएको स्थानीय सुरेन्द्र थिंकेले जानकारी दिए । काठमाण्डौंबाट तराई हिँडेर जाने भिमफेदी पुरानो मुल बाटो हो । अहिले उक्त बाटो भएर दैनिक ५०/६० जना बालबालिका, ज्येष्ठ नागरिकहरु गन्तव्यतर्फ गइरहेका छन् ।
यसैबीच भिमफेदी गाउँपालिकाले हिँडेर आएकाहरुलाई स्थानीय प्रहरीसंगको समन्वयमा जिल्ला सीमानासम्म पु¥याइदिने व्यवस्था थालेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
