सिन्धु बिकास बैंक लिमिटेड पालुङ शाखाले सामाजिक उत्तरदायित्व बहन अन्तर्गत छात्रवृत्ति वितरण गरेको छ ।
बैंकले मकवानपुर थाहा नगरपालिकाका पालुङ बहुमुखी क्याम्पसका जेहन्दार तथा आर्थिक रुपमा बिपन्न विद्यार्थीहरुको उच्च शिक्षाको छात्रवृत्ति वितरण गरेको हो । शैक्षिक सहयोग अन्तर्गत छात्रवृत्तिको रकम क्याम्पस प्रमुख रामहरि अधिकारीलाई बैंकका पालुङ शाखा प्रमुख आशिष बानियाँ क्षेत्रीले हस्तान्तरण गरेका थिए ।
क्याम्पसमा पढ्ने २ जना विद्यार्थीलाई पूर्ण छात्रवृत्ति स्वरुप ३० हजार रुपियाँ प्रमुख अधिकारीलाई हस्तान्तरण गरिएको बैंकका सागर लम्सालले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
