पाथिभरा बचत तथा ऋण सहकारी संस्थाको उपाध्यक्षमा रामकुमार कार्की निर्विरोध निर्वाचित भएका छन् । उक्त सहकारीको स्थापनादेखि नै आवद्ध हुँदै आएका कार्की यसअघि सहकारीका सचिव थिए ।
सहकारीको अध्यक्ष पदमा भने चारजनाको उमेद्वारी परेको छ । अध्यक्ष पदका लागि यसअघिका अर्जुन बहादुर कार्की सहित जीवन कुमार बस्नेत, गोविन्द बहादुर कार्की र गोकर्ण वरुवालको उमेद्वारी परेको हो । अध्यक्ष पदमा लागि भने २३ कार्तिकमा निर्वाचन हुने सहकारीले जनाएको छ । ११ असोजमा भएको सहकारीको निर्वाचन कार्यक्रम अन्तर्गत उपाध्यक्षमा रामकुमार कार्की सहित सचिव भुपेन्द्र हमाल र सहसचिव मिना थापा सर्वसम्मत भएका हुन् ।
त्यसैगरी कोषाध्यक्ष पदका लागि देवकृष्ण श्रेष्ठ, नवराज कार्की र सुर्य बहादुर थापाको उमेद्वारी परेको छ भने लेखा समिति संयोजकका लागि राधाकृष्ण विष्ट र मनोज कार्कीको उमेदुवारी परेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
