थाहा नगरपालिका वडा नम्बर ३ थानाबजारमा सुविधा सम्पन्न होटल खुलेको छ ।
पर्यटन वर्ष २०२० लाई मध्येनजर गरेर थानाबजारमा गंगा होटल एण्ड लज संचालनमा ल्याइएको संचालक पुरुषोत्तम ढकालले जानकारी दिए ।
कम्तिमा ३० जनाको क्षमता रहेको गंगा होटलमा परम्परागत नेपाली खाना तथा पारिवारिक वातावरण रहेको संचालक ढकालले बताए । होटलका कोठाहरु समेत सुविधा सम्पन्न रहेको छ । काठा नम्बरको सट्टा थाहानगररको स्थानीय पहिचान सहितको पर्यटकीय गन्तव्यको नाम दिइएको छ । होटलका कोठाहरुको नाम दामन, कुन्छाल, चित्लाङलगायतको दिइएको छ । जुन कोठामा बस्यो त्यस कोठामा सम्बन्धीत ठाउँको परिचय दिने फोटो र विवरण हरु समेत राखिएको छ ।
होटलको डाइनिङ टेबलहरु पनि हिमालको नाममा रहेको छ । टेबलहरु सगरमाथा, कन्चनजंगा, मनास्लु जस्ता नाम दिइएको छ ।
अन्य होटल भन्दा फरक स्वाद र सेवा दिने गरी संचालनमा ल्यायएको उक्त होटलमा एक पटक बस्नै पर्ने पारिवारिक वातावरण रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
