आन्तरिक पर्यटन प्रवद्र्धन गर्ने उद्देश्यले मकवानपुरमा ६० जनाले साइक्लिङ गर्ने भएकाछन् । मकवानपुरका ४० जना र अन्य जिल्लाका २० जनाले साइक्लिङ गर्ने भएका हुन् । २८ मंसिरमा हेटौंडामा साइक्लिङ संघले पत्रकार सम्मेलन गरी मकवानपुरको मार्खुलाई पर्यटकीय क्षेत्रको रुपमा प्रवद्र्धन गर्ने उद्देश्यले साइक्लिङ गर्न लागेको जनाएको छ ।
पत्रकार सम्मेलनमा संघका संस्थापक अध्यक्ष नरेशलाल श्रेष्ठले वातावरण जोगाउन र पर्यटन प्रवद्र्धन गराउनको निम्ति दुई दिन राईड टु मार्खु कार्यक्रम आयोजना गरिएको बताए । कुल २ लाख ४४ हजार लागत अनुमान गरीएको कार्यक्रम २९ मंसिर विहान हेटौंडाको हुप्राचौरबाट सूरु भई भैसे, निवुवाटार, भिमफेदी, देउराली, कुलेखानी हुँदै मार्खु पुग्ने मकवानपुर साईक्लिङ संघका अध्यक्ष संगीत श्रेष्ठले जानकारी दिए ।
नेपाल बुद्धीचाल संघ मकवानपुरका सचिव धर्म लामाले मार्खुलाई पर्यटकीय क्षेत्रको रुपमा प्रवद्र्धन गर्ने उद्देश्यले दुईदिने राईड टु मार्खु कार्यक्रम आयोजना गर्न लागिएको बताए । कार्यक्रम गर्नका लागि ‘ट्रेक’ ब्राण्डको साइकलको मकवानपुरका लागि आधिकारिक विक्रेता राज साईकल सेन्टर मुख्य प्रायोजक, हेटौंडा स्कूल अफ म्यानेजमेन्ट र नेपाल बक्सिङ संघ सहप्रायोजक रहेको आयोजकले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
