थाहा नगरपालिकाको वडा नम्बर ११ र १२ टिष्टुङका बालबालिकालाई न्यानो कपडा, शैक्षिक सामाग्री तथा खेलकुदका सामाग्री वितरण गरिएको छ । टिष्टुङका दुई वटा वडाका १५ प्रारम्भिक बाल विकास केन्द्रका २ सय बालबालिकालाई सामाग्री वितरण गरिएको हो ।
साविक टिष्टुङको बाल संरक्षण समितिको सहयोगमा २३ पौषमा बालबालिकाहरुलाई स्वीटरसहितको सामाग्री वितरण गरिएको ११ नम्बर वडा अध्यक्ष किरणमान बलले जानकारी दिए । बालबालिकाहरुलाई विद्यालयमै पुगेर ११ नम्बर वडा अध्यक्ष बल र १२ नम्बर वडा अध्यक्ष मानबहादुर स्याङ्तानले सामाग्री वितरण गरेका थिए ।
विद्यालय र विद्यार्थीलाई सहयोग गर्न विद्यालय पुगेका वडा अध्यक्ष तथा अतिथीहरुलाई विद्यालयले माला लगाएर स्वागत गरेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
