लागू औषध गाँजा तस्करको मुद्दामा फरार रहेका मकवानपुर थाहा नगरपालिका–७ का कुमार बस्नेत भनिने दिनेश कुमार बस्नेत पक्राउ परेका छन् ।
बस्नेतलाई ईलाका प्रहरी कार्यालय पालुङबाट खटिएको प्रहरी टोलीले घरैबाट पक्राउ गरेको हो । वि.सं. २०६४ असार २७ गते जिल्ला अदालत मकवानपुरले बस्नेतलाई लागू औषध गाँजा मुद्दामा २ बर्ष कैद र रु. ११ हजार एकसय जरिवाना तोकेको थियो ।
पक्राउ परेका बस्नेतलाई सजाय भुक्तानको लागि कारागार कार्यालय भिमफेदी पठाईएको जिल्ला प्रहरी कार्यालय मकवानपुरले जनाएको छ ।
