पालुङ जेसिज सभा हलमा हुने प्रधानमन्त्री केपी ओली अध्यक्ष रहेको नेपाल कम्युनिष्ट पार्टी (नेकपा)को थाहा नगर विस्तारित भेलाको तयारी पूरा भएकाे छ । भेला ११ फागुनमा हुँदैछ ।
भेलाको सम्पूर्ण तयारी पूरा भएको भेला आयोजक कमिटिका संयोजक राजु नापितले बताए । संघीय शिक्षा मन्त्री कृष्णगोपाल श्रेष्ठ र वागमती प्रदेशका मुख्य मन्त्री डोरमणि पौडेलले भेलालाई सम्बोधन गर्ने कार्यक्रम रहेको आयोजकले जनाएको छ । आयोजकका अनुसार नेकपाका केन्द्रीय सदस्यहरु अनन्त पौडेल, रामेश्वर राना, रामचन्द्र राई, रघुनाथ खुलाल, सुभाषचन्द्र ठकुरी, प्रल्हाद लामिछाने, महेश बर्तौला लगायत केन्द्रिय नेताहरुको भेलामा उपस्थिति रहनेछ ।
भेलामा सहभागी हुन थाहा नगर बाहिर रहेका थाहा नगरका नेकपा कार्यकर्ताहरुको पनि विशेष उपस्थिति रहने नेकपा नगर नेता अच्युत्तमप्रसाद ढकालले जानकारी दिए । नेकपा जिल्ला कमिटी, थाहा नगर कमिटीका पदाधिकारीहरु, कार्यकर्ताहरु र समर्थकहरुसमेत गरी सैयौं संख्याका बीच भेला हुने आयोजकले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
