नेकपा कम्युनिष्ट पाटी (नेकपा) थाहा नगर कमिटीले कोरोना भाइरस (कोभिड–१९) बाट बच्नको लागि सरकारले घोषणा गरेको लकडाउनको पूर्ण परिपालना गर्न आम नागरिकलाई अनुरोध गरेको छ । कोरोना भाइरसको संक्रमण रोक्न तथा फैलन नदिनका लागि थाहा नगरपालिकाले गरेको कामको स्वागत समेत गरेको छ । नेकपा थाहानगर कमिटिले १२ चैतमा विज्ञप्ती जारी गरेर यस्तो बताएको हो ।
नेकपा थाहानगर कमिटि अध्यक्ष अरुण रायमाझी तथा सचिव सानुकाजी गोपालीद्वारा हस्ताक्षरित विज्ञप्तीमा थाहा नगरपालिकाले गरेको निर्णय कार्यान्वयनमा सघाउने प्रतिवद्धता जनाएको छ ।
विज्ञप्तीमा भनिएको छ,–‘कोरोना भाइरसबाट बच्न सकिने उपायहरुको बारेमा सचेत रहन, थाहानगर बाहिरबाट आएका नागरिकहरु बारे जनप्रतिनीधिहरुलाई विवरण उपलब्ध गराउन र कोरोना विरुद्ध अग्रपंक्तिमा खटिएका सरकार, कर्मचारी, सुरक्षाकर्मी तथा संचारकर्मीहरुलाई आवश्यक सहयोग गर्न आम थाहा नगरबासीहरुलाई अपील गर्दछौं ।’
विज्ञप्ती
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
