प्रदेश ३ सरकार र स्थानीय सरकार थाहा नगरपालिकाले घोषणा गरेको ‘दामन घुमफिर वर्ष २०७५’ को सन्देश लिएर एक टोली प्रदेश–३, ४, ५ र ६ का विभिन्न पर्यटकीय गन्तव्यका लागि यात्रामा निश्केका छन् । २५ कार्तिक विहान थाहानगरबाट यात्रा थालिएको हो ।
करिब एकसाताको लागि तय गरिएको यात्रामा ‘दामन घुमफिर वर्ष २०७५’ को प्रचार प्रसार गरिने टोलस्का संयोजक गणेश विष्टले जानकारी दिए । थाहानगरको पर्यटकीय क्षेत्रको फोटो सहितको ब्यानर लिएर प्रचारमा हिडेका टोलीमा ८ जना सहभागी छन् ।
टोलीले थाहानगर र ‘दामन घुमफिर वर्ष २०७५’ को विषयमा लुम्बनी, सुर्खेत, जुम्ला, कालिकोट, र मुगुको रारा क्षेत्रका स्थानीय सरकार प्रमुख तथा प्रतिनीधिहरुसंग छलफल गर्ने संयोजक विष्टले जानकारी दिए । टोलीमा संयोजक विष्ट सहित दशरथ बस्नेत, रोशन गोपाली, रवीजंग खड्का, सुमन रायमाझी, कविराज विष्ट, आशिष खड्का र मनिष अधिकारी छन् । टोली पहिलो दिन बाँकेको कोहलपुर पुगेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
