दशैंको विदा सकिएसँगै थाहानगरका सबैजसो सरकारी कार्यालय खुलेका छन् । कार्यालय खुले पनि सीमित कर्मचारी मात्र कार्यालयमा उपस्थित भएका छन् ।
कार्यालयमा सेवा लिन आउने सेवाग्राहीहरु अत्यन्त कम मात्र आएका छन् ।
अझै पनि थाहा नगरपालिकामा दशैको टिका थाप्न जानेहरुको चहलपहल भने कायमै छ । आफन्तको हातबाट टिका थाप्न जाने र आउनेहरु उत्तिकै रहेका छन् ।
आज टीकाको चाैँथाे दिन पनि मान्यजन तथा आफन्तबाट टीका थाप्ने र आशिर्वाद लिने क्रम चलिरहेको छ । टीकाको दिन आफन्त तथा मान्यजनबाट टीका लगाउन नभ्याएकाहरुले कोजाग्रत पूर्णिमाका दिनसम्म टीका थाप्ने प्रचलन छ । यस वर्ष काेजागत पूर्णिमा ३ कात्तिकमा परेकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
