मकवानपुर थाहा नगरपालिकालाई च्वाइस नेपालले स्वास्थ्य सामाग्री सहयोग गरेको छ । कोरोना भाइरसबाट सर्ने कोभिड–१९ को रोकथाम तथा नियन्त्रणका लागि सहयोग पु¥याउन फिबर थर्मल गन पाँच थान सहयोग गरेको नगर प्रमुख लवशेर विष्टले जानकारी दिए ।
थाहा नगरपालिकामा एक कार्यक्रमकाबीच चवाइस नेपालका घनश्याम थापाले प्रमुख विष्टलाई स्वास्थ्य सामाग्री हस्तान्तरण गरेका हुन् । सामग्री बुझ्दै नगरप्रमुख विष्टले विपदका बेला सहयोग गर्ने संस्था च्वाइस नेपाललाई धन्यावद दिए । थाहा नगरपालिकासंगको सहकार्यमा विभिन्न सामाजिक कार्य समेत गर्दै आएको च्वाइस नेपालले गरेको सहयोगको विष्टले प्रशंसा गरे ।
च्वाइस नेपालको सहयोगमा स्वास्थ्य संस्थाहरुको निर्माण, खानेपानी आयोजनाहरु संचालन तथा विभिन्न आयआर्जाका कामहरु समेत थाहा नगरपालिकामा संचालन भैरहेको छ । कार्यक्रममा थाहा नगरपालिकाका नगर उपप्रमुख खड्ग गोपाली, प्रमुख प्रशासकीय अधिकृत हरिलाल पुरी, स्वास्थ्य संयोजक मेघराज बलामी, च्वाइस नेपालकी करुणा पौडेललगायतकाको उपस्थिती रहेको थियो ।
यसैबीच स्वास्थ्य सामाग्री सहयोग गरेकोमा कोरोना भाइरस (कोभिड–१९) रोकथाम तथा नियन्त्रण सचिवालय थाहा नगरपालिकाले पनि च्वाइस नेपाललाई धन्यावद दिने निर्णय गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
