थाहा नगरपालिकाले काठमाण्डौंमा रहेका नागरिकहरुलाई ल्याउनको लागि कुनै पनि बस संचालनमा नल्याएको स्पष्ट पारेको छ । यसअघि सामाजिक संजालहरुमा थाहा नगरपालिकाका नागरिक काठमाण्डौंबाट फर्कन चाहनेले सम्पर्क गर्न अनुरोध गर्दै सामाजिक सञ्जलमा सूचनाहरु समेत प्रकासित भएकोमा त्यसमा सत्यता नभएको नगरपालिकाले जनाएको छ ।
कोरोना भाइरस (कोभिड–१९) को रोकथाम तथा नियन्त्रणका क्रममा संघीय सरकारले गरेको लकडाउनलाई पालना गर्नु हामी सबैको कर्तव्य हो । यस बखत हामी आम नागरिकको स्वास्थ्यप्रति संवेदनशील छौं । पारिवारिक भेटघाट भन्दा पनि सुरक्षित रहनु अहिलेको आवश्यकता हो । यहि कुरालाई मनन् गर्दै थाहा नगरपालिकाले नगर बाहिर रहेको नागरिकहरुको अवस्था बुझ्न र सहयोग गर्नको लागि अनलाईन सर्भे सिस्टम संचालनमा ल्याएको अवगत नै छ । थाहा नगरपालिकाले काठमाण्डौंमा रहेका नागरिकहरुलाई ल्याउनको लागि कुनै पनि बस संचालनमा नल्याएको, नगरपालिकाकाे अाधारीक पेज माफर्त जानकारी गराएकाे छ ।
काठमाण्डौंमा रहेका नागरिकहरुलाई घरसम्म ल्याउनको लागि थाहा नगरपालिकाले यात्रुबहाक बस पठाएको भन्ने जानकारीमा आएको हुँदा नगरपालिकाले अहिलेसम्म नागरिकलाई लिनको लागि कहिँकतै सवारी साधन( बस) नपठाएको र कोही कसैले भनेको वा जानकारीमा ल्याएको भए पनि उक्त जानकारी आधाकारिक नभएको बताएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
